काठमाडौँ / नेपालमा हुन्डाई गाडीको आधिकारिक आयातकर्ता तथा वितरक लक्ष्मी इन्टरकन्टिनेन्टल प्रा.लि.ले नयाँ क्रेटाको बिक्रीमा उल्लेखनीय वृद्धि हासिल गरेको जनाएको छ। चार महिनामा नयाँ क्रेटाका ३५० युनिट वितरण भएको हो ।
त्यस्तै, ६०० युनिट नयाँ क्रेटाको बुकिङ भइसकेको कम्पनीले जनाएको छ । नयाँ बुकिङहरूको लागि दुई महिना वेटिङ अवधि दिइएको र आगामी दिनहरूमा उत्कृष्ट ग्राहक सेवालाई निरन्तरता दिने बताइएको छ ।
प्रिमियम तथा गुणस्तरीय सवारी, उच्च रिसेल भ्यालु र उत्कृष्ट बिक्रीपछिको उत्कृष्ट सेवाको कारणले नेपाली उपभोक्तामाझ हुन्डाई लोकप्रिय रहेको छ ।
अत्याधुनिक प्रविधि, उत्तम डिजाइन र विशेष सुविधाहरू प्रदान गर्दै नयाँ क्रेटा, ग्राहकहरूको सर्वाधिक रोजाईमा पर्न सफल भएको कम्पनीले जनाएको छ ।
नेपालकै उत्तम एसयूभीको रूपमा स्थापित भइसकेको पुरानो क्रेटा मोडलको तुलनामा थुप्रै उन्नत सुविधाहरू र विकल्पहरू थप गरिएको छ।
बिगत एक दशकभन्दा बढी समयदेखि नेपालमा हुन्डाई गाडीहरू उपलब्ध गराईरहेको लक्ष्मी इन्टरकन्टिनेन्टलले उत्कृष्ट सेवा र ग्राहक को सन्तुष्टिलाई प्राथमिकता राख्दै आएको छ।
.gif)
