काठमाडौँ / नेपाल एसबीआई बैंकको सिइओमा रामकुमार तिवारी नियुक्त भएका छन् । भारतको स्टेट बैंक अफ स्टेट (एसबीआई)ले नेपाल एसबीआई बैंकमा नयाँ प्रमुख कार्यकारी अधिकृतको रूपमा तिवारीलाई पठाएको हो।

नेपाल एसबीआई बैंक र भारतको एसबीआईबीचको प्राविधिक सेवा सम्झौताअनुसार एसबीआईले नेपाल एसबीआईमा नयाँ नियुक्त गरिएको बैंकले जनाएको छ । 

तिवारीले आगामी माघ २ गतेदेखि लागू हुनेगरी बैंकको प्रमुख कार्यकारी अधिकृतको जिम्मेवारी सम्हालेनछन् । बैंकको प्रमुख कार्यकारी अधिकृत स्टेट बैंक अफ इन्डियाबाट खटिएर आउने प्रचलन छ । 

हाल बैंकको प्रमुख कार्यकारी अधिकृतको रूपमा आएका दिपक कुमार देलाई फिर्ता पठाउन स्टेट बैंकले अनुरोध गरेकोले जनवरी १५ देखि उनलाई पदमुक्त गर्न लागिएको बैंकले जनाएको छ । दे २०७७ साउनमा नेपाल एसबीआई बैंकको सिइओ नियुक्त भई आएका थिए । 

सिइओ देको चार वर्षे कार्यकाल यही भदौ ३१ गतेदेखि समाप्त हुने थियो तर भदौ १९ गते बसेको सञ्चालक समितिको बैठकले सो मितिपश्चात अर्थात् असोज १ गतेदेखि लागू हुनेगरी थप ६ महिनाका लागि पुनः नियुक्त गर्ने निर्णय गरेको थियो । 

नयाँ सिइओको रूपमा आउन लागेका तिवारी स्टेट बैंक अफ इन्डियाका जनरल म्यानेजर हुन् । उनी हाल बैंकको छत्तिसगढ राज्यका प्रमुख रहेका छन् ।