काठमाडौँ / प्रतिनिधि सभाको बैठक स्थगित भएको छ। बिहीबार साँझ पौने ६ बजे सुरु भएको प्रतिनिधि सभाको बैठक केहीबेर सुरु भएको केही बेरमै स्थगित भएको हो।
.gif)
प्रमुख प्रतिपक्षी दल नेपाली कांग्रेसले प्रतिनिधि सभा बैठक सुरु हुनासाथ नाराबाजी गर्दै अवरोध गरेको छ । सभामुखले बैठक सुरु भएको घोषणा गर्नासाथ कांग्रेसले गृहमन्त्री रवि लामिछानेमाथि संसदीय छानबिन समितिको माग गर्दै बैठक अवरुद्ध गरेको हो ।
प्रतिपक्षी दल कांग्रेसले जेठ १ गते राष्ट्रपति रामचन्द्र पौडेललाई सरकारले ल्याएको आगामी आर्थिक वर्षको नीति तथा कार्यक्रम वाचन गर्न दिएपनि उनलाई धन्यवादको प्रस्ताव पारित गर्न समेत संसद् अवरुद्ध गरेको छ ।
सभामुख देवराज घिमिरेले जेठ ४ (शुक्रबार) बिहान ११ बजेका लागि बस्ने गरी बैठक स्थगित गरेका हुन्।
