नेपाल महिला रग्बी क्लबको आयोजनामा फागुन ६ र ७ गते ‘राष्ट्रिय यु–२० महिला रग्बी सेभेन्स च्याम्पियनसिप’ आयोजना हुन गईरहेको छ ।
भक्तपुरस्थित मध्यपुर युथको मैदानमा हुने कार्यक्रममा ६ प्रदेश र दुई क्लब गरी ८ टिम सहभागी हुनेछन्।
सुदूरपश्चिम, कर्णाली, गण्डकी, मधेश, कोशी र बागमती प्रदेश तथा आयोजक नेपाल महिला रग्बी क्लब र हिमालयन टाइगर रग्बी बलेप्रतियोगितामा सहभागी हुनेछन्।
सहभागी टिमलाई दुई समूहमा विभाजन गरेर लिग कम नकआउटका आधारमा प्रतियोगिता सञ्चालन गरिनेछ ।
समूहका शीर्ष दुई टिमले नकआउट चरणमा स्थान बनाउनेछन्।
प्रतियोगिताको विजेता टिमलाई ट्रफी, मेडल सहित ५० हजार रुपैयाँ नगद र उपविजेता टिमलाई ट्रफी,मेडल सहित ३० हजार रुपैयाँ पुरस्कार राशी राखिएको छ।
प्रतियोगिताको उत्कृष्ट महिला खेलाडीलाई ट्रफीबाट सम्मानित गरिनेछ भने सहभागी सम्पुर्ण टिमलाई प्रमाणपत्र प्रदान गरिनेछ ।
आयोजकले सहभागी टिमलाई एकतर्फी यातायात खर्च, खाना, खाजा र बसोबासको व्यवस्था गरेको छ ।
नेपाल महिला रग्बी क्लबले पहिलो पटक राष्ट्रिय स्तरको महिला कार्यक्रमको आयोजना गरेको जानकारी गराएको हो ।
उमेर समूहको खेलाडीलाई एक्सपोजर प्रदान गर्न र दशौं राष्ट्रिय खेलकुदको तयारीलाई सघाउ पुर्याउने उदेश्यले प्रतियोगिताको आयोजना हुने बताएको छ ।
