काठमाडौँ / सामाजिक सुरक्षा कोषले रिक्त रहेको निर्देशक, अधिकृत, लेखापालदेखि कम्प्युटर अपरेटरलगायतका २८ जना कर्मचारीहरू माग गरेको छ । कोषले लोक सेवा आयोगबाट लिइने आन्तरिक तथा खुला प्रतियोगितात्मक परीक्षाका लागि आवेदन माग गरेको हो ।
कोषले शुक्रबार सूचना जारी गर्दै विभिन्न सेवा, समूह, उपसमूह तथा तहका पदहरूमा आन्तरिक तथा खुला प्रतियोगितात्मक परीक्षाद्वारा पदपूर्ति गर्नुपर्ने भएकाले योग्यता पुगेका उम्मेदवारको दरखास्त माग गरेको हो ।
तोकिएको न्यूनतम योग्यता पुगेका उम्मेदवारहरूले कोषको अनलाइन दरखास्त प्रणालीमार्फत फाराम भर्नुपर्ने सूचनामा उल्लेख छ ।
योग्यता प्राप्त उम्मेद्वारहरूले बरिष्ठ सहायक निर्देशक, सहायक निर्देशक, प्रशासकीय अधिकृत, लेखा अधिकृत, सूचना प्रविधि अधिकृत, कानून अधिकृत, बरिष्ठ प्रशासक सहायक, लेखापाल, प्रशासन सहायक, सहायक कम्प्युटर अपरेटरलगायतका पदमा आवेदन दिन सक्नेछन् । दरखास्त दिने अन्तिम मिति माघ ३ गते र दोब्बर दस्तुरमा माघ १० गते तोकिएको छ ।
