गुरु नानक सन् १४६९ मा अप्रिल १५ मा पञ्जाब प्रान्तमा जन्मिएका थिए । अहिले यो पाकिस्तानमा पर्दछ ।
बाल्यकालदेखि नै आध्यात्मिक ज्ञानका प्रवर्तक नानक सिख धर्मका पहिलो गुरु हुन् ।
गुरु नानकले नै ‘सिख धर्म’का स्थापना गरेका हुन् । यो संसार ईश्वरद्वारा बनाइएको हो हामी उनैका सन्तान हौं भन्ने उनको बुझाइ छ । ईश्वर सबैसँग छ, जसले राम्रो काम र नराम्रो कामको बोध गराउँछ ।
गुरु नानकका केही प्रेरणादायी बचनहरु पढौं जसले हामीलाई उत्साह, उर्जा र सकारात्मक भाव पैदा गराउँछ।
१ ] केवल त्यही शब्द बोल्नुपर्छ, जुन शब्दले हामीलाई सम्मान दिलाउँछ ।
२ ] बन्धु हो, हामी मृत्युलाई खराब भन्दैनौ, जब हामीले मर्ने कला सिक्छौ ।
३ ] यो संसार कठिनाइले भरिएको छ, जसलाई स्वयम्माथि भरोसा छ उही नै विजेता कहलाइन्छ ।
४ ] ईश्वर सर्वत्र विद्यमान छन्, उनी हाम्रा पिता हुन् । त्यसैले संसारमा भएका सवैसँग मिलिजुली प्रेमपूर्वक बाँच्नुपर्छ ।
५ ] कहिले पनि, कुनैपनि परिस्थितीमा अरुको अधिकार हनन गर्नु हुँदैन ।
६ ] तपाई सबैको सद्भावना नै मेरो सच्चा सामाजिक प्रतिष्ठा हो ।
७ ] जो व्यक्ति आफ्ना घरमा पनि शान्तिपूर्वक जीवन व्यतित गर्छन्, उनलाई यमदूतले पनि केही गर्न सक्दैन ।
८ ] सच्चा धार्मिक त्यही हो, जो सबै व्यक्तिलाई समान रुपले सबैको सम्मान गर्छ ।
९ ] कहिले पनि खराब कार्य गर्नका लागि नसोचौं, अरुलाई सताउने काम नगरौं ।
१०] इमान्दारितापूर्वक मेहनतले आर्जेको धनले आफ्नो पेट पाल्नुपर्छ।
११] संसार जित्नका लागि अरुलाई उछिन्ने होइन । बरु आफैभित्रको कमजोरी र विकारमाथि विजय प्राप्त गर्नुपर्छ ।
१२] अहंकारले कुनैपनि मान्छेलाई मान्छे बनेर रहन दिदैन, त्यसैले अहंकार वा घमन्ड त्याग्नुपर्छ।
१३] धनलाई खल्तीसम्म मात्र स्थान दिनुपर्छ, आफ्नो हृदयमा होइन।
१४] परम पिता र मरमेश्वर एउटै हो ।
१५ ] सधैँ एउटै ईश्वरको साधनामा मन लगाउ ।
१६ ] हरेक ठाउँ र हरेक प्राणीमा ईश्वरको बास हुन्छ ।
१७] ईश्वरको भक्तिमा लीन मानिसलाई कसैले डर लाग्दैन ।
१८] इमान्दारी र मिहेनतले पेट भर्नु पर्छ ।
१९ ] नराम्रो कामको बारेमा सोच्दा पनि नसोचौँ र कसैलाई पनि नसताऔँ ।
२०] सधैँ खुसी होऔँ, ईश्वरसँग सधैँ क्षमा याचना गरौँ ।
२१] मिहेनत र इमान्दारीबाट कमाएको धनले मात्र गरीबको सहयोग गरौँ ।
२२] महिला र पुरुष एक समान छन् त्यसैले सबैलाई एकै नजरले हेरौँ ।
२३] भोजन शरीरलाई जीवित राख्नका लागि जरुरी छ, तर लोभ लालचले जम्मा गर्न बानी खराब हो।
२४] म न बच्चा हुँ, न युवा नै । म न कुनै धर्मको हुँ न कुनै जातको नै ।
२५ संसारका कोही पनि व्यक्ति भ्रममा नबाँचुन् । गुरुविना अर्को किनार पुग्न असम्भव छ ।
२६ केवल मूर्खहरु मासु खान हुन्छ कि हुँदैन भनेर तर्क गर्छन् । उनीहरु सत्य के हो जान्दैनन्, न जान्नको लागि ध्यान नै गर्दछन् ।
.gif)
