काठमाडौँ / कालीमाटी फलफूल तथा तरकारी बजार विकास समितिले शुक्रबारका लागि तरकारी तथा फलफूलको मूल्य सार्वजनिक गरेको छ ।

जसअनुसार आज केही हरियो तरकारीको भाउ बढेको छ । यसअघि औसत मूल्य प्रतिकेजी ५८ रुपैयाँ ३३ पैसा रहेको सानो लोकल गोलभेडाको भाउ बढेर आज ६१ रुपैयाँ २५ पैसा पुगेको छ भने सानो टनेल गोलभेडाको भाउ ६६ रुपैयाँ २५ पैसा, सानो गोलभेडा (भारतीय)को मूल्य ५८ रुपैयाँ ३३ पैसा र सानो गोलभेडा तराईको भाउ ७२ रुपैयाँ ५० पैसा पुगेको छ । 
त्यस्तै, रातो आलुको औसत मूल्य प्रतिकेजी ६४ रुपैयाँ पुगेको छ भने रातो आलु (भारतीय)को भाउ ५३ रुपैयाँ ३३ पैसा, सेतो आलु ५७ रुपैयाँ, स्थानीय काउली ६५ रुपैयाँ, स्थानीय ज्यापु काउली ८५ रुपैयाँ, रातो मूला २७ रुपैयाँ ६७ पैसा र लाम्चो भन्टा ६५ रुपैयाँ कायम गरिएको छ । 

यता, मकै बोडीको भाउ भने घटेर ५५ रुपैयाँ र मटरकोशाको भाउ घटेर १३५ रुपैयाँ कायम भएको छ । 

घिउ सिमी प्रतिकेजी ९५ रुपैयाँ, राजमा सिमी १२५ रुपैयाँ, लौका ६५ रुपैयाँ, बरेला १३५ रुपैयाँ, पिंडालू ७५ रुपैयाँ, स्कूस ३० रुपैयाँ, हरियो प्याज ८५ रुपैयाँ, कन्य च्याउ २ सय रुपैयाँ, डल्ले च्याउ ३३६ रुपैयाँ ६७ पैसा र जिरीको साग १०५ रुपैयाँ तोकिएको छ । 

यसैगरी, इमली प्रतिकेजी १५५ रुपैयाँ, गुन्द्रुक २७६ रुपैयाँ ६७ पैसा, फूजी स्याउ २८२ रुपैयाँ ५० रुपैयाँ, फूजी स्याउ २८२ रुपैयाँ ५० पैसा, लोकल काक्रो ११० रुपैयाँ, हाइब्रीड काक्रो ७५ रुपैयाँ, हरियो लसुन १९० रुपैयाँ र हरियो धनिया ८२ रुपैयाँ ५० पैसा निर्धारण गरिएको छ । 

विस्तृत तालिकामा हेर्नुस्