काठमाडौँ / महालक्ष्मी विकास बैंक लिमिटेडले स्वास्थ्य, होटल तथा रेष्टुरेन्ट क्षेत्रका संस्थाहरूसँग समन्वय गरी अगाडि बढ्ने अभिप्रायका साथ विभिन्न स्थानमा अवस्थित संस्थाहरूसँग सम्झौता गरेको छ । 

‘सबल बैंक, सफल सहकार्य’को नारालाई आत्मसाथ गर्दै नेपाली जनताको घरदैलोमा विगत ३० वर्ष देखि अनवरत रूपले गुणस्तरीय वित्तीय सेवा प्रदान गर्दै आएको बैंकले काइवाक टावर, चेरिस, अमैचा र मलाला युनिसेक्स सैलुनका सेवाहरूमा ग्राहकहरूलाई छुट सुविधा दिन उक्त सम्झौता गरेको हो ।  

सम्झौता पश्चात महालक्ष्मी विकास बैंकका डेविट अथवा क्रेडिट कार्ड तथा मोबाइल बैंकिङ्ग प्रयोग गर्ने ग्राहकहरूले उक्त संस्थाहरूका विभिन्न सेवाहरूमा विशेष छुट प्राप्त गर्न सक्नेछन् । 

बैंकका अनुसार ग्राहकहरूले स्काईवाक टावर (वन्डर्स नेपाल प्रा.लि.) कमलादी, काठमाडौँमा स्काईवाक टावर प्रवेश शुल्क १५ प्रतिशत र चेरिस गूुप प्रा.लि., विशालनगर काठमाडौँबाट खाना तथा पेय पदार्थ खरिदमा १५ प्रतिशत छुट प्राप्त गर्नेछन् । 

त्यस्तै, सानेपा, ललितपुरस्थित अमैचाबाट कपडा खरिद गर्दा र भैँसेपाटी ललितपुरस्थित मलाला युनिसेक्स सैलुन प्रा.लिबाट ब्युटिसियन सेवा लिँदा १० प्रतिशत छुट पाइने बैंकले जनाएको छ । 

यस किसिमको सहकार्यबाट बैंकका डेविट अथवा क्रेडिट कार्ड तथा मोबाइल बैंकिङ्ग प्रयोग गर्ने ग्राहकहरू प्रत्यक्ष रूपमा लाभान्वित हुने विश्वास बैंकले लिएको छ ।

साथै डिजिटल युगसँग नेपाली जनतालाई साक्षात्कार गराउने उद्देश्यले बैकले विभिन्न शाखाहरूबाट वित्तीय जनचेतनामुलक कार्यक्रमहरू सञ्चालन गर्दै आएको छ । 

बैंकले हालै ग्राहकहरूलाई अत्याधुनिक, सुरक्षित तथा सहज डिजिटल बैंकिङ्ग सुविधा उपलब्ध गराउने बैंकको नीति बमोजिम मोबाइल  एप्लिकेसनलाई परिष्कृत गर्दै ‘महालक्ष्मी स्मार्ट साथी’  सञ्चालनमा ल्याएको छ ।