काठमाडौँ / युनियन मेवा हाइड्रो लिमिटेडले सर्वसाधारणका लागि साधारण सेयर (आइपिओ) जारी गर्ने भएको छ । कम्पनीले आइपिओ निष्काशन तथा बिक्री प्रबन्ध गर्नका लागि लक्ष्मी सनराइज क्यापिटल लिमिटेडलाई नियुक्त गरेको हो । 

युनियन मेवा हाइड्रोले सर्वसाधारणमा बिक्री गरिने १ सय रुपैयाँ अङ्कित दरका ३५ करोड ३८ लाख ६० हजार ५०० रुपैयाँ बराबरको ३५ लाख ३८ हजार ६०५ कित्ता सेयर जारी गर्ने बताएको छ । 

उक्त सम्झौतामा लक्ष्मी सनराइज क्यापिटलको तर्फबाट प्रमुख कार्यकारी अधिकृत विजय लाल श्रेष्ठ र युनियन मेवा हाइड्रो लिमिटेडकोे तर्फबाट अध्यक्ष किरण मल्लले हस्ताक्षर गरेका छन् । 

युनियन मेवा हाइड्रोले ताप्लेजुङ जिल्लाको मिक्वा खोला गाउँपालिकामा रहेका २३ मेगावाट क्षमताको मेवा खोला जलबिद्युत आयोजना निर्माणाधिन करिब ३५ प्रतिशत कार्य सम्पन्न भइसकेको छ ।